വായനാവാരാചരണത്തിന് ഗംഭീരതുടക്കം

 

 

ബേക്കല്‍ ഗവ.ഫിഷറീസ് ഹയര്‍സെക്കന്ററി സ്ക്കൂളില്‍ വായനാവാരാചരണത്തിന് തുടക്കമായി.തുളുനാട് മാസികയുടെ പത്രാധിപര്‍ ശ്രീ.കുമാരന്‍ നാലാപ്പാടം ഉദ്ഘാടനം ചെയ്തു.കുട്ടികള്‍ ലൈബ്രറി പുസ്തകങ്ങളുമേന്തിയാണ് അസംബ്ലിയില്‍ പങ്കെടുത്തത്.ശ്രീമതി.സുഗതകുമാരിയുടെ കാവുതീണ്ടല്ലേ എന്ന കൃതിയില്‍ നിന്നും പ്രസക്തമായ ഭാഗം മിഥുഷ വായിച്ചവതരിപ്പിച്ചു.കുട്ടികള്‍ വായനാദിനപ്രതിജ്ഞ ചൊല്ലി.ജന്മദിന സമ്മാനമായി സ്ക്കൂള്‍ ലൈബ്രറിയിലേക്ക് പുസ്തകം നല്‍കി ഏഴാംതരത്തില്‍ പഠിക്കുന്ന അനുഷിത.പി.വി. കുട്ടികള്‍ക്ക് മാതൃകയായി.ശ്രീ. നാലാപ്പാടം കുമാരന്‍ 50 പുസ്തകങ്ങള്‍ സ്ക്കൂള്‍ ലൈബ്രറിയിലേക്ക് വാഗ്ദാനം ചെയ്തു. കുട്ടികളില്‍ വായന പരിപോഷിപ്പിക്കുന്നതിനായി വൈവിധ്യമാര്‍ന്ന പരിപാടികളാണ് വിദ്യാരംഗം കലാസാഹിത്യവേദി ആസൂത്രണം ചെയ്തിട്ടുള്ളത്.പുസ്തകക്വിസ്,ആസ്വാദനക്കുറിപ്പ് തയ്യാറാക്കി അവതരിപ്പിക്കല്‍,ലൈബ്രറി പുസ്തകപ്രദര്‍ശനം,കവിതയരങ്ങ്,അമ്മവായന തുടങ്ങിയ പരിപാടികള്‍ ഇതില്‍പെടും.സീനിയര്‍ അസിസ്റ്റന്റ് പി.ലക്ഷ്മി,വിദ്യാരംഗം കോഡിനേറ്റര്‍ പ്രതാപന്‍.എം,പി.ടി.എ.പ്രസിഡണ്ട്.എ.കുഞ്ഞിരാമന്‍ എന്നിവര്‍ സംസാരിച്ചു.

സ്ക്കൂളിന് തണല്‍ നല്‍കി പരിസ്ഥിതി ക്ലബ്ബ്

ലോകപരിസ്ഥിതി ദിനത്തോടനുബന്ധിച്ച് സ്ക്കൂളിന് തണലേകി വൃക്ഷത്തൈകള്‍  വെച്ചുപിടിപ്പിച്ചു.ഹെഡ് മാസ്റ്റര്‍ കെ.ജയപ്രകാശ് ഉദ്ഘാടനം ചെയ്തു.ഇക്കോ ക്ലബ്ബ് കണ്‍വീനര്‍ സത്യസജീവന്‍.കെ നേതൃത്വം നല്‍കി.

സ്ക്കൂള്‍ പ്രവേശനോത്സവം നാടിന്റെ ഉത്സവമാക്കി ബേക്കല്‍ സ്ക്കൂള്‍

ഈ വര്‍ഷത്തെ സ്ക്കൂള്‍ പ്രവേശനോത്സവം നാടിന്റെ തന്നെ ഉത്സവമാക്കി മാറ്റുകയായിരുന്നു ബേക്കല്‍ ഗവ.ഫിഷറീസ് ഹയര്‍സെക്കന്ററി സ്ക്കൂളിലെ പി.ടി.എ.കമ്മിറ്റി.അഞ്ചാം തരത്തില്‍ പുതുതായി പ്രവേശിച്ച കുട്ടി

കള്‍ക്ക് ബാഗും കുടയും നോട്ടുപുസ്തകങ്ങളും സൗജന്യമായി നല്‍കി.സ്ക്കൂളിലെ പൂര്‍വ്വവിദ്യാര്‍ത്ഥിയും പ്രമുഖ വ്യവ സായിയുമായ മംഗലാപുരം കരുണാകരന്‍ ബാഗും കുടയും സ്പോണ്‍സര്‍ ചെയ്തപ്പോള്‍ യുവശക്തി തൃക്കണ്ണാട് പുസ്തകങ്ങള്‍ നല്‍കി.പത്താം ക്ലാസ്സില്‍ നിന്ന് പാസ്സായ മുഴുവന്‍ കുട്ടികള്‍ക്കും മൊമന്റോ നല്‍കി നൂറു ശതമാ നം വിജയം കരസ്ഥമാക്കിയതിന്റെ സന്തോഷം "രമേശ്‍‍,അസീസ് അക്കര" ഗ്രൂപ്പ് പങ്കുവെച്ചു. എല്ലാ വിഷയങ്ങള്‍ക്കും

എ പ്ലസ് നേടിയ 11 കുട്ടികള്‍ക്ക് 2500 രൂപയുടെ ക്യാഷ് അവാര്‍ഡും 9 വിഷയങ്ങള്‍ക്കും 8വിഷയങ്ങള്‍ക്കും എ പ്ലസ് നേടിയ കുട്ടികള്‍ക്ക് 500 രൂപയുടെ ലൈബ്രറി പുസ്തകങ്ങളും രമേശ്, അസീസ് അക്കര ഗ്രൂപ്പ് നല്‍കി.സ്ക്കൂളി ലെ മുഴുവന്‍ കുട്ടികള്‍ക്കും മധുരപലഹാരം നല്‍കി പീപ്പിള്‍സ് മലാംകുന്ന് പ്രവേശനോത്സവച്ചടങ്ങിന് രസം പകര്‍ന്നു.

ജില്ലാ പഞ്ചായത്ത് മെമ്പര്‍ ശ്രീ.പാദൂര്‍കുഞ്ഞാമുഹാജി ഉപഹാരങ്ങള്‍ വിതരണം ചെയ്തുകൊണ്ട് പ്രവേ ശനോത്സവം ഉദ്ഘാടനം ചെയ്തു. വാര്‍ഡ് മെമ്പര്‍ ശ്രീ.വി.പ്രഭാകരന്‍, എസ്.എം.സി.ചെയര്‍മാന്‍ ശ്രീ.കെ.വി.

ബാലകൃഷ്ണന്‍, സ്റ്റാഫ് സെക്രട്ടറി ശ്രീ.പി.ശങ്കരന്‍ നമ്പൂതിരി, സീനിയര്‍ അസിസ്റ്റന്‍റ് ശ്രീമതി.പി.ലക്ഷ്മി, മദര്‍

പി.ടി.എ.പ്രസി‍ണ്ട് ശ്രീമതി.വിജയശ്രീ,ഹയര്‍സെക്കന്ററി ഇന്‍ ചാര്‍ജ് ശ്രീ.സുഗതന്‍ എന്നിവര്‍ സംസാരിച്ചു.

പി.ടി.എ.പ്രസി‍ണ്ട് ശ്രീ.എ.കുഞ്ഞിരാമന്‍ അധ്യക്ഷത വഹിച്ച യോഗത്തില്‍ ഹെഡ് മാസ്റ്റര്‍ ശ്രീ.കെ.ജയപ്ര

കാശ് സ്വാഗതവും ശ്രീ.സി.കെ.വേണു നന്ദിയും പറഞ്ഞു.